【南法之旅】唔食對唔住自己- 海鮮 篇(上集)@為何斯德哥爾摩沒有譚仔三哥
廣告
眨下眼又去完南法番黎成兩個月喇，好唔捨得呀。
隔左咁耐，我終於肯的起心肝同大家share下我同程老大係南法食左D咩正野。
而去南法就梗係食 海鮮 啦！
1.蜆與青口
識食一定係刀叉都唔用，直接成碟徒手食！
D青口同蜆肉又夠大又新鮮，同香港食開雪藏果d真係好唔同。
食到最後成碟都係D汁，我爭d飲曬呀！要試！
2.海鮮意粉
海鮮意粉聽落好簡單，但要整得好、整得特別就好難。
冇記錯既話呢碟野係係法國同意大利既交界食到架，非常足料！
佢係我成世人食過最最最好味既意粉，將我地成個旅程推上顛峰。
▲比個近鏡靚仔樣大家睇下先。
(唉，點解我要選擇深夜打文)
3.生蠔！！！
有follow開我facebook既朋友都知，我對生蠔既鐘愛程度其實都幾誇張。
黎到南法又點可以唔試下佢地最新鮮最新鮮既法國生蠔呢！！
食海鮮既話，三家姐我極力推薦呢間餐廳。(真心share，我冇收佢錢架)
相信好多人都知呢間野，去到都好多亞洲食客撞口撞面。
唔貴得黎服務又好，除左法文，仲有中英menu添，不過D中文是簡體…..
唔好點生青口
間餐廳我地黎左幾次，有次我貪得意叫左D生既青口。
勸大家千祈唔好試，除非你對公廁陣味情有獨鐘，同鐘意個口又苦又痲痺既簡jer。
好啦！今次就同大家分享到呢度，下次同大家繼續分享埋下集。
下次記得睇之前食飽d呀，會冇咁辛苦。
延伸閱讀：
