出煙雪糕+ 雞蛋仔 ！躍升國際級的香港小食 (附香港購買地址)
廣告
雞蛋仔 ，係好多香港人的最愛小食。而創意十足的香港人更將 雞蛋仔 進化成紫薯 雞蛋仔 ，抹茶 雞蛋仔 ，OREO 雞蛋仔 等特別的美食。而最近 雞蛋仔 竟然流傳到美國，更加成為最紅的小食，instagram tumblr個個通通打卡洗版，香港今次重唔威番次！
原來在美國大紅的，是由位於加洲聖塔安娜的Cauldron雪糕店推出的雪糕 雞蛋仔 ，店主Desiree Lee在引入香港 雞蛋仔 後，再加入液態氮雪糕，令整杯甜品出哂煙，叫做又冰又火雙重享受。各位如果有機會去美國試食一次，絕對可以扮下專家評價 雞蛋仔 脆唔脆好唔好味，話哂我哋都叫專家呀！
無錯，其實香港都有得食雪糕 雞蛋仔 。呢個雞蛋仔 雪糕 有黑芝麻麻糬雞蛋仔味，即叫即製，香口惹味，配上蘋果柚子果凍、檸檬脆脆、牛奶和抹茶雪糕，淋上抹茶醬，果香中和滯膩，層次豐富。
Oddies
地址：灣仔灣仔道149號1F地鋪（顯示地圖）
電話：9551 7972
營業時間： 星期二至日1pm-10pm，
星期一休息
備註：只收現金
延伸閱讀：
想食普通雞蛋仔，我地都有介紹
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
