【元朗】好抵食！$31熱熔芝士熱狗！
廣告
今年年頭我哋一介紹紅磡的熱溶芝士熱狗店，即刻引嚟全城人人排隊搶住食！最近仲推出全新三款熱狗，好食就好食，但作為新界人的筆者，想食都要山長水遠去食就慘啦，好在元朗最近開咗間小食店，店名非常盞鬼，叫「Ｊ大大」，細問幾位年輕店主，原來店名是想讓街坊記得店家的招牌產品，８吋Ｊ熱狗！去片！
８吋Ｊ熱狗
這個「８吋Ｊ熱狗」，用上８吋法蘭克福腸，麵包則由附近麵包店每日新鮮製造。腸只有兩款口味，原味和美式辣醬，只售$23，加熱溶芝士醬才$8蚊，相比市區幾家熱狗店都便宜一大截，麵包即叫即烘，外皮烤得香脆，熱熔芝士用上Mozzarella混車打芝士，$31卻有不俗的品質，元朗果然是個食平嘢好地方！
Ｊ大大
地址：元朗馬田路26路安寧大廈3b地鋪（顯示地圖）
營業時間：11am – 9pm
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
