【元朗】一串入魂 肥美 煙肉蠔卷

日本串燒喺香港米芝蓮從來榜上無名，唯獨係上年，尖東嘅「錦」 燒鳥專門店超冷門奪得一星，喺入面駐場二十年嘅基師傅，今個月就加盟咗元朗新開嘅串燒店，繼續做正宗嘅日本串燒，睇佢燒功撒鹽嘅技巧，就知佢燒物嘅純熟程度，開業唔夠一個月經已有好多熟客專誠搵佢。燒鳥同海鮮串燒同樣係主打，好似 煙肉蠔卷 ，選用肥美廣島蠔配上煙肉，燒得啱啱好，兩種油脂同時散發，甘香撲鼻，免治雞肉腸每日新鮮手打本地雞肉，柯打即包即燒，肉質軟滑爆Juicy，蘸蛋黃更邪惡！