傳統高貴已 out！英式 下午茶 Seems like fun！@Charmaine
廣告
女人幾時都鍾意歎Afternoon tea，君不見fb、IG滿布 下午茶 呃like相？Classic的 下午茶 固然要歎，不過主題有時都要 Follow，話晒 下午茶 幾乎間間酒店都有，如何博得女士 歡心，就要看廚師及 Marketing 的諗頭了。好似 Ritz Carlton 就一向多搞作，之前做過法拉利及本地蜂蜜的主題，遲下就跟 Pierre Herm 設計一系列香橙熱情果味的法式甜點。文華東方呢？就與法國鞋王Roger Vivier搞Crossover，甜品做成女士最愛的手袋和高跟鞋，吸睛度超高。東隅酒店又同 Francfranc 合作，用其招牌黑白波點、間條餐具來放甜品。W hotel就有俄羅斯下午茶，有勁Cutie的俄羅斯娃娃做裝飾。至於隆堡蘭桂坊酒店就最了解女人，以香水名牌 Nina Ricci 為主題，把香水成分入饌，歎完茶還有香水送！
下午茶的世界咁大，其他餐廳又點會錯過這個商機，之前Seasons的木箱Tea set洗版能力超強，最近法籍大廚又有新搞作 ——玩草！ 8款甜品均放在鋪了草皮的木箱裡，夏天感覺返晒嚟。東南亞都有三層架，好似泰式代表來說，Mango Tree早已搞過，安南越南 餐廳都加入了戰團，包括傳統越南小吃如鮮蝦豬肉米紙卷、西貢蝦多士、斑蘭椰汁千層糕等，至正是有越式滴漏咖啡，搵個周末來，坐著看咖啡滴下滴下，都幾 hea。
