人多吃著數 黃長興賣XXL 海鮮 【炮台山食乜好】

黃長興的法國餐廳已開了五年，最近他去巴黎攞靈感後，發現當地餐廳開始流行開心Share，於是將店子改頭換面，轉賣專供客人Share 的菜式。菜式超過八成以 海鮮 入饌， 海鮮凍 盤、烤焗、酒煮等，用料大部分來自外地。問他為何店名加了「XXL 」？「因為所有菜式都是Supersize！」係咪咁誇先？二話不說他就捧來一鑊龍蝦西班牙飯，記者不禁「嘩」一聲，直徑接近40cm 長的黑鑊，鋪了兩隻開邊波士頓龍蝦，夠震撼！龍蝦分別以牛油及日式蛋黃醬焗，前者鮮香、後者Creamy。整體定價也不高，像這西班牙飯只賣$428，在外邊吃同等級數的至少六百元。奉勸各位，由於食物都是激大份， 想試多幾款就要找多些朋友來， 加上以大大張的Community Table 為主，要有搭枱的準備。