【九龍城】鬼馬甜品套餐 芒果汁扮太陽蛋
廣告
「哦…你扮嘢！！！」版主近幾日發現咗兩個甜品套餐，一個用甜品扮拉麵，另一個用甜品扮太陽蛋，呢兩個甜品相當有嫌疑，所以第一時間就上門親身試食！
1. 《笑甜甜早晨全餐》– 芒果汁變太陽蛋
一見到太陽蛋甜品早餐，版主自己都好期待！兩個靚靚蛋黃圓圓的又彈又cute，原來佢哋係芒果汁嚟，而蛋白就係奶凍。店主自家格仔餅就向雞蛋仔偷師，所以質感夠脆！最後加埋雜莓、雪糕做配料！
試食評語
賣相：水果跟雪糕令食物色彩豐富，芒果汁做的蛋黃夠得意
味道：甜品味道較淡，先食芒果汁奶凍可慢慢享愛香味
質感：格仔餅以街頭方式製作，所以外層較脆
延伸閱讀：
【旺角】芝士控必試！樓上cafe創意fusion 卡邦尼芝士腸粉！
下頁續：日式拉麵蛋糕套餐
2. 《日式拉麵蛋糕套餐》- 極度創意相機食先
要講食物娛樂性，日式拉麵蛋糕套餐一定有10分。整個拉麵由各種甜品組成，其中有栗子做拉麵，再配海綿蛋糕，忌廉，而叉燒就係牛油曲奇！加埋面頭開心果偽蔥花，最後配由凍檸茶果凍做嘅拉麵湯。小食就有由泡芙做的章魚小丸子。上上下下咁多種食物，版主建議大家先食淡味的凍檸茶果凍拉麵湯，再食拉麵，最後食泡芙章魚小丸子，味道一級一級加上，自己唔飽，相機都影飽！
試食評語
賣相：滿分，拉麵與章魚小丸子實在太像真，夠哂精美
味道：分有濃味淡味，其中拉麵栗子香濃，小丸子就以朱古力配味
質感：拉麵由4層配料組成，栗子，忌廉加蛋糕加朱古力脆粒，味感十足
Cheers Dessert 笑甜甜
地址：九龍城南角道47號地下
電話：27162928
Mon-Fri 15:00-00:00
Sat-Sun 12:00-00:00
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
