三哥遇上喵～忌廉哥概念主題店

Q: 香港18區美食有甚麼推介？

新假期編輯已經為你整合了香港18區美食指，其中包括尖沙咀、旺角、銅鑼灣等 ......即睇更多詳情。

Jul 7 2015

忌廉哥出沒注意！三哥今次搵埋忌廉哥，齊齊食米線。位於觀塘晨光大廈的譚仔三哥米線分店，到處都見到忌廉哥的蹤影，開張當日忌廉哥都有親身到場祝賀（不過無負責剪彩！）。呢一刻大家可能會問，係咪嚟到就可以見到忌廉哥真身呢？答案當然唔會啦，開張之後忌廉哥會歸家，不過店內設有三個主題區，包括美食主題區、報攤主題區和歷史展示區。其中，忌廉哥歷史展示區就有三哥和忌廉哥的大型擺設，非常搶眼。至於店內牆壁、碗碟，甚至餐牌都見到忌廉哥個嘜頭，超可愛的！想同忌廉哥擺設影相就快啲去啦！

另外，今次譚仔三哥主題店都有推出5款一人小食，包括意川醋香番茄、手拍青瓜、大豆芽、雲耳和蓮藕，新主題店價每款$15，不過新開張有優惠，每碟$11，鍾意食小食的朋友們最適合不過。

譚仔三哥米線忌廉哥主題店
地址：觀塘康寧道1-9號晨光大廈3樓(顯示地圖)
電話：2389 0090