一人一票！ 日本 網民10大快餐店薯條選舉
比較常見嘅暫且不提，我哋嚟介紹一吓，你未必知道的薯條！
日本最好味快餐店薯條排行榜
第1位：網民公認 速食薯條之王！ -POPPO
排行第一的POPPO嚴格來說並非快餐店，而是株式会社イトーヨーカ堂超市熟食區的其中一檔小攤位，網民大讚薯條又平又好味，比起其他快餐店簡直是神級之作！而且多種味道選擇，下次去超市Shopping完可以順便買一兜薯條醫肚！
第5位：Shake Shake薯條王 – First Kitchen
第二、三、四位的Mos Burger、McDonald及KFC香港大陸台灣東南亞都有，不用多提吧！那直接跳到第五位，First Kitchen排第五，成功以多款特製「Shake shake薯條」殺出一條血路擄獲一班網民的心。日本網民話落調味粉shake的薯條好味過沾醬薯條，連茄汁同甜酸醬都慳返，搖多兩搖分分鐘仲可以當減肥！
第6位：薯條定薯皮？ – Wendy’s
雖然Wendy’s薯條排行第6，但其實最好食的並非薯條，而是焗薯皮！不過網民就話薯條都好好食咁話喎。
並列第6位：穩紮穩打的基本功 – Lotteria
日本Lotteria上年曾經推出1小時任食薯條放題，做成一時熱話，但薯條嘅嘢唔係多就得嘅，味道方面又怎樣呢？
網民普遍形容為「脆、香、夠薯味」，聽落好似好基本，但基本嘢先最重要嘛！
下頁續：仲有其他好味薯條，唔好錯過！
延伸閱讀：【中環】 Tex-Mex 大熱 韓式fusion 快餐
延伸閱讀：大過你塊面！首爾的超巨型漢堡！
第7位：保溫有法 變凍無有怕 – Lucky Pierrot
食薯條最怕凍冰冰，食落口感好似隔夜咁！北海道函館的Lucky Pierrot薯條用陶瓷杯送上，食到最底仍然可以保持微溫，加上薯條淋有大量芝士肉醬，食完個薯條都飽一半，抵佢榜上有名啦！
第8位：沖繩發威 外硬內軟 – A&W
在沖繩的美國村中，A&W的快餐店地位是比麥當勞更高的。如果只比薯條，其實亦不輸蝕。網民話A&W的薯條外層炸得偏硬，夠脆，但咬落又不會有空洞洞的感覺，薯肉依然軟熟。
第9位：窈窕薯條 網民好逑 -Kua Aina
Kua Aina薯條比較幼身，但每一條都炸到卜卜脆之餘又有餡！網民話最喜歡咬落口個下「咔嚓」聲，食完一條即刻醒神，可以打機打通宵咁話喎！
第10位：即叫即炸 貼心服務 – Jef
沖繩快餐店Jef鎮店之寶其實是2大苦瓜漢堡，而整間店最令人印象深刻的不是其味道，反而是認真的服務態度。
點餐後，可以看到店員才把薯條拿去炸，跟香港的萬年油熬出來的可謂差天共地。而上餐時紙巾亦輕輕地墊著薯條露出的部份，感覺十分衛生。
延伸閱讀：日本9大傳統特色火鍋 睇到流口水！
延伸閱讀：好評公佈！日本10大人氣班戟排名
