【 俄羅斯 】三百歲戒粗口遊俄 《 四個小生 》唔激唔玩
廣告
全新一輯旅遊節目《 四個小生 去旅行 》下禮拜首播，睇景都是其次；識睇，梗係要睇新加入的曾江（Ken哥）如何同謝賢、胡楓鬥串嘴！計埋存在感薄弱的Joe Junior，四位小生超過三百歲，依然活力十足，拍足17日的行程，除了例牌景點大合照，仲有新奇刺激睇惹豔舞、玩埋越野賽車，串極限任務，睇到都牙煙！記者向幕後人員反覆追問有冇上一輯「修哥上先」的爆粗場面流出，對方強調今次「拍嘢過程近乎零粗口」，真係信不信由你喇！不過齋睇宣傳活動表現呢…上面有片大家自己睇啦！
挑戰極限4大任務
在莫斯科室內場玩小型賽車比賽，對住鍊車老手Ken哥，快到唔見車尾，連最愛認叻的四哥都要寫個服字！
節目組特別安排他們去到莫斯科的坦克博物館，踩上坦克影相，仲親自按鍵用真火發炮，滿足 Joe Junior 自小的願望。
位於莫斯科郊區的軍事訓練十足《人在野》山路崎嶇到連後生仔都要手腳並用，好在班俄軍錫住幾位老人家，從旁參扶住登山。
帶西伯利亞老虎散步行街、親手餵食，都未驚過！但聽到幕後人員話，老虎主人才剛被咬傷，他們終於識驚。
《 四個小生 去旅行》翡翠台 / 高清翡翠台
• 播出時間：8月17日起 逢星期一至五（晚上10:30）
延伸閱讀：
